வல்லமையின் வார்த்தை

யாவேயாகிய ஒரே தேவன், தாம் உண்டாக்கின மனுஷன் தம்மை அறியவேண்டும் என்பதில் மிகவும் பிரியப்படுகிறார். தேவவாக்கினர் எரேமியாவுக்கூடாக இதை மிகவும் தெளிவாக கூறியிருக்கிறார்.



ஒரு சுபாவம் (Character) என்பது ஒரு ஆளை அடையாளப்படுத்தும், அந்த ஆளுக்குரிய சிறப்பியல்பு ஆகும். தேவனாகிய யாவே தன்னுடைய சுபாவங்கள் மூலம் மனுஷர்கள் தம்மை அறியும்படி செய்திருக்கிறார்.

தேவனுடைய சுபாவங்களை அறிந்துகொள்ள நாம் நேரம் ஒதுக்குவது ஏன் அவ்வளவு முக்கியம்?

அதியுயர்ந்த தேவனுடைய அற்புதமான சுபாவங்களை ஆழமாக நாம் அறியும்போது நம்முடைய நாளாந்த வாழ்க்கையிலே அசைக்கமுடியாத நம்பிக்கையையும், தைரியத்தையும், சந்தோஷத்தையும் நமக்குக் கொடுக்கிறது. சோதனைகளின் நாட்களில் அதை மேற்கொள்வதற்கான பெலத்தையும் கொடுக்கிறது.

இக்கட்டான சூம்நிலையின்போது தேவனைப்பற்றிய அறிவை இழந்த மக்களைப் பற்றி சில உதாரணங்கள் வேதப்புத்தகத்திலே நாம் பார்ககமுடியும்.





நாம் அதியுயர்ந்த தேவனுடைய சுபாவங்களை அறிந்து கொள்வது, அவருடைய நன்மைக்காக அல்ல. அது நம்முடைய நன்மைக்காகத்தான். நாம் தொழுதுகொள்ளும் தேவன் எப்படிப்பட்டவர்? என்று அறிந்து நம்முடைய நம்பிக்கையை அதிகரிக்க உதவுகிறது.

இந்த தேவனுடைய சுபாவம் இரண்டு வகையாக இருக்கிறது.

01. தாம் உண்டாக்கின படைப்புக்களோடு பகிர்ந்து கொள்ளப்பட்ட சுபாவங்கள்.

02. தமக்கு மட்டுமே உரிய தனித்துவமான சுபாவங்கள்.





அதியுயர்ந்த தேவனுக்கு தொடக்கமும் இல்லை முடிவுமில்லை.
பயணம் 3: 14ல் மோசேயுடனேகூட தேவன் பேசும் போது, 'இருக்கிறவராக இருக்கிறேன்' என்றும்,

ஏசாயா 43: 13ல் நாள் உண்டாகாததற்கு முன்னும் நானே இருக்கிறேன். என்றும் தம்மைக்குறித்துக் கூறியிருக்கிறார்.

தாம் உண்டாக்கின சிருஷ்டிப்புகள் எதுவுமே அவர் இயங்குவதற்குத் தேவையில்லை. எதிலுமே அவர் தங்கியிருக்கவுமில்லை.

சிருஷ்டிப்புகள் யாவுமே அவருக்கு மகிமையையும் சந்தோஷத்தையும் கொண்டுவருகிறது.

அவருக்கத் தேவையானது ஒன்றுமில்லை. அவர் மனுஷனை உண்டாக்கினது ' ஐயோ மனுஷன் இல்லாமல் என்னால் வாழ முடியாது' என்பதற்காக அல்ல. மனுஷன் உண்டாக்கப்பட்டது – தம்மை வெளிப்படுத்தி, தம்மோடு நெருங்கிப் பழகுவதற்காகத்தான்.













அவருடைய அறிவுக்கு எல்லை இல்லை. தொடக்கம் இருந்து முடிவுவரை சகலத்தையும் அவர் அறிந்திருக்கிறார்.

அவர் ஒருபோதும் எதையும் கற்றுக்கொள்வதில்லை. கற்றுக்கொள்ள வேண்டியதுமில்லை.

எதுவும் அவருக்கு ஆச்சரியமானதுமில்லை.

தேவன் நித்தியமாய் இருப்பதினால், முடிவை ஆரம்பத்திலிருந்தே அவர் அறிவார். கடந்து போன , நடந்து கொண்டிருக்கும், இன்னும் நடக்காத எதிர்காலத்தில் நடக்கவிருக்கும் அனைத்துக் காரியங்களையும் அவர் அறிந்திருக்கிறார்.

நமது செயல்கள், யோசனைகள், கனவுகள் மற்றும் நம்முடைய வாயிலிருந்து ஒரு சொல் வருவதற்கு முன்பதாகவே அவர் அறிந்திருக்கிறார். என்று தாவீது தன்னுடைய பாடலில் கூறியிருக்கிறான்.






(மத் 11: 21, ரோ 11: 33) எங்களுடைய ஒவ்வொரு வீழ்ச்சியையும், ஒவ்வொரு பாவத்தையும், பின்வாங்குதலையும் அவர் அறிந்திருக்கிறார்.

அதியுயர்ந்த தேவன் அனைத்தையும் அறிந்திருக்கிறார். நாமோ அறியாதவர்கள் எனவே நம்முடைய வாழ்க்கையில் நாம் எடுக்கவேண்டிய அனைத்து தீர்மானங்களுக்கும், முடிவுகளுக்கும் அவருடைய சித்தத்தையும் வழிநடத்துதலையும் கேட்டறிந்து செயல்ப்படுவது மிகவும் முக்கியமாக இருக்கிறது.







அதியுயர்ந்த தேவனுடைய அறிவு, மனிதனடைய ஞானத்தின் முட்டாள் தன்மையையும், தாழ்வுநிலையையும் காட்டுகிறது.









தேவன் ஒருநேரத்தில் ஒரு இடத்தில் மட்டும் இருப்பவரல்ல. அவரது முழுமையில் அவர் எல்லா நேரத்திலும் எல்லா இடங்களிலும் இருக்கிறவர்.

அவருடைய சிருஷ்டிப்புக்கள் அனைத்திலும் அவர் நிறைந்திருக்கிறார். அவரது பிரசன்னம் இல்லாத இடமில்லை.

அவருடைய பிரசன்னம் பல்வேறுபட்ட அளவுகளில் உள்ளது.

அவருடைய பிரசன்னத்திலிருந்து ஒருவர் தப்பிக்கக்கூடிய நேரமோ அல்லது சூழ்நிலையோ இல்லை.

உதாரணமாக :
ஆதாம் ஏவாள் பாவத்தின் பின்னர் ஓடி ஒளிந்து கொண்டார்கள். அனால் அது தேவனுக்கு மறைந்த காரியமா?

யோனா அவருடைய சமூகத்தைவிட்டு ஓடி தப்ப முயற்சித்தான் ஆனாலும் அவன் வெற்றி பெறவில்லை.

தாவீது தன்னுடைய பாடலில் இதைக்குறித்து தெளிவாய் கூறியிருகிறான்.







அவர்கள் தங்கள் சத்துருவுக்கு முன்பாகச் சிறைப்பட்டுப்போனாலும், அங்கே அவர்களைக் கொன்றுபோடப் வாளுக்கு நான் கட்டளையிட்டு, என் கண்களை அவர்கள்மேல் நன்மைக்கல்ல, தீமைக்கென்றே வைப்பேன்.







தேவன் யோசப்புடனே சிறைச்சாலையில் இருந்தார். தானியலுடன் சிங்கத்தின் குகையிலும் இருந்தார். நெகேமியா பேரரசரின் அரண்மனையில் இருந்தபோதும், எஸ்தர் ராஜாவுக்கு முன்பாக நிற்கும் போதும், பவுலின் கப்பல் சேதத்தின் போதும்கூட அவர்கள் ஒவ்வொருவருடனும் தேவன் கூட இருந்தார்.

இது நம்முடைய இருதயத்திலே நம்பிக்கையையும், தேவனைப் பற்றிய பயத்தையும் நமக்குக் கொண்டுவருகிறது.



இது அவருடைய சர்வ வல்லமையைக் குறிக்கிறது. அவரால் செய்யக்கூடாத காரியம் ஒன்றுமில்லை.



ஆனாலும் தேவன் தமக்கு இணக்கமில்லாத, தம்முடைய சித்தத்திற்கு மாறான காரியங்களை செய்யமாட்டார்.

உதாரணம் : தேவன் பொய் சொல்ல மாட்டார். அநீதியாக நடக்க மாட்டார். அவர் தமது வார்த்தையிலோ, வாயினால் கொடுத்த உறுதிகளிலோ பின்வாங்கவோ அல்லது மாறவோமாட்டார்.







'சர்வ வல்லவர்' என்று வேதப்புத்தகத்திலே 56 தடவைகள் கூறப்பட்டுள்ளது. தேவனுக்கு முழு உலகத்தையும் உண்டாக்குவது, ஒரு வண்ணாத்திப்பூச்சியை உருவாக்குவதைவிட கடினமானது அல்ல. காரணம் அவர் ஒருபோதும் சோர்வடைவதில்லை.



அவருடைய சர்வ வல்லமை அவருடைய சிருஷ்டிப்புகள், பாதுகாப்பு , மீட்பு, உயிர்த்தெழுதல் ஆகியவற்றில் வெளிப்படுத்தப்படுகிறது.

அவற்றில் சில:
மத்தேயு 19: 26 யெஷூஆ, அவர்களைப் பார்த்து: மனுஷரால் இது கூடாததுதான்; தேவனாலே எல்லாம் கூடும் என்றார்.



(பாடல் 77: 15, வெளி 19: 6, 2 கொரி 13: 4, எபிரெயர் 1: 3, 2 ராஜா 17: 36, யோவான் 10: 27 – 29, எபே 3: 20)



மாறாதவர் என்பது – அவரது இயல்பில், தன்மையில் அசையாமல் நிலைத்திருப்பவர் என்பதைக் குறிக்கிறது.



தேவன் கடந்த காலத்தில் ஒருவராகவும், நிகழ்காலத்தில் ஒரவராகவும், எதிர்காலத்தில் இன்னொருவராகவும் மாறுவதில்லை. அவர் மாறாதவராகையால் அவருடைய வார்த்தைகளும் மாறாதவைகள்.











தேவன் அன்பு உள்ளவர் அல்ல. அவர் அன்பாக இருக்கிறார். அதனால் அன்பு எல்லாமே தேவன் என்று கூறமுடியாது.











நாம் பாவிகளாயிருக்கையில் தம்முடைய சொந்த மகன் என்றும் பாராமல் அவரை நமக்காக ஒப்புக்கொடுத்ததன் மூலம் தேவன் நம்மேல் வைத்த தமது அன்பை வெளிப்படுத்தியிருக்கிறார்.

நாம் அவரிடத்தில் அன்புகூர்ந்ததினால் அல்ல, அவர் நம்மிடத்தில் அன்புகூர்ந்தபடியினால் அப்படிச் செய்தார்.

நாம் நம்முடைய அன்பை கீழ்ப்படிதல் மூலம் நிரூபிக்க வேண்டும். நாம் தேவனுடைய அன்பைப் பெற்றவர்களாக, செய்யவேண்டிய பொருத்தமான விடயம் ஒருவரிலொருவர் அன்புகூற வேண்டும்.











தேவனுடைய சுபாவம் பரிசுத்தம்.

பரிசுத்தம் என்பதற்கு 'பிரித்தெடுக்கப்பட்ட' என்று அர்த்தமாம். பரிசுத்தம் என்பது எபிரெய சொல் 'கொடேஷ்' (Kodesh) இதிலிருந்து வந்தது.

தேவன்; பரிசுத்தத்தில் வளர்ச்சியடைய வேண்டியதில்லை. அவர் பரிசுத்தமாகவே இருக்கிறார்.

அவர் பரிசுத்தத்தில் நிறைவுள்ளவராயிருக்கிறார்.

தீர்க்கதரிசி ஏசாயாவின் புத்தகத்திலே, சேராபீன்கள் தேவனுக்கு முன்பாக நின்று இரவும் பகலும் ஓயாமல் என்ன கூறினார்கள் என்று நாம் பார்க்கலாம்.



அவருடைய பரிசுத்தத்திற்கு முன்பாக யாருமே நிற்கமுடியாது. அதனால் தான் சேராபீன்கள் தங்கள் முகங்களையும், கால்களையும் மூடிக்கொண்டது. தீர்க்கதரிசி ஏசாயாவும் ' நான் செத்தேன் ' என்று கத்தினான்.

அதியுயர்ந்த தேவனைவிட பரிசுத்தத்தில் மகத்துவமுள்ளவர் ஒருவருமில்லை.







தேவன் பரிசுத்தராய் இருக்கிறபடியால், தம்முடைய ஜனங்களும் அவரைப்போல இருக்க விரும்புகிறார். பரிசுத்தமில்லாமல் ஒருவனும் தேவனை காண முடியாது என்றும் கூறியிருக்கிறார்.









எனவே தேவன் தமது வார்த்தைகள், யோசனைகள், செயல்கள் எல்லாவற்றிலும் பரிசுத்தமாக (பிரித்தெடுக்கப்பட்டவராக) இருக்கிறாரோ, அதேபோல நாமும் பரிசுத்தமான (பிரித்தெடுக்கப்பட்ட) வாழ்க்கை வாழ வேண்டும்.



தேவன் உண்மையுள்ளவர் என்றால் அவரிடத்தில் பொய், மாயாமலம் இல்லை. உள்ளதை உள்ளபடி சொல்லிவிடுவார்.

அவர் கூறியவைகள், வெளிப்படத்தியவைகள் அனைத்தும் உண்மை.
உண்மையான ஒரே தேவன் அவர் தான் வேறுயாருமில்லை.



தேவனே உண்மையின் ஆதாரமும் நிலையுமானவர். தேவனைத் தவிர வேறு எந்த மிக உயர்ந்த ஆதாரமோ அல்லது தரமோ உண்மையைப் பொறுத்தவரையில் இல்லை.











இதிலே இரண்டு மாறாத விசேஷங்கள் என்று கூறப்பட்டிருப்பது :

01. அதியுயர்ந்த தேவன்

02. அவருடைய வார்த்தை

தேவன் உண்மையுள்ளராய் இருக்கிறபடியால், அவரைப் பின்பற்றுகிற நாம் ஒவ்வொருவரும் உண்மையப் பேசி, யோவான் 18: 37ன் படி உண்மையைக் குறித்து சாட்சி கொடுக்கிறவர்களாக இருக்க வேண்டும்.



தேவன் நம்பிக்கைக்குறியவர் என்றால், தேவனைவிட நம்பக்கூடிய ஒரு அள் இல்லை. அவர் சொன்ன வார்த்தைகள் எல்லாவற்றையும் நம்பலாம். அவர் சொன்னது எல்லாவற்றையும் செய்வார். அவர் கொடுத்த வாக்குகள் அனைத்தையும் நிறைவேற்றுவார் என்று அர்;த்தமாகும்.

அவர் தமக்கும், தமது வார்;த்தைகளுக்கும், தமது ஜனங்களுக்கும் நம்பிக்கையுள்ளவராக இருக்கிறார் என்பது உறுதி.

தேவன் தாம் கொடுத்த வாக்குறுதிகளுக்கு உண்மைத்தன்னையாக இருப்பது மட்டுமல்லாமல், தம்மைப் பற்றியும் தமது சிருஷ்டிப்புகள் பற்றியும் கூறிய அனைத்தும் உண்மையும், நம்பிக்கையும் கொண்டவை.



நாம் சொல்லிவிட்டு சிலகாரியங்களை செய்யமாட்டோம். ஆனால் தேவன் அப்படியல்ல. அதைத்தான் இந்த வார்த்தை கூறுகிறது.

நீ தேவனுக்கு ஒரு பொருத்தனை பண்ணி, அதை செய்யமல் போனால் உன்னிடத்தில் உண்மையில்லை.

(உப புத்தகம் 23: 21, பிரசங்கி 5: 4)











இஸ்ராயேலருடனான தேவனுடைய செயற்பாடுகளில் தேவனுடைய நம்பிக்கைக்குரிய தன்மையை மிகவும் சிறப்பாக நாம் காணமுடியும். சில இடங்களில் இஸ்ராயேலருக்கு தேவன் கொடுத்த வாக்குத்தத்தங்கள் இனிவரும் காலங்களில் நிறைவேற்றப்படும் என்று எதிர்பார்த்துக் காத்திருக்கிறார்கள்.

நிச்சயமாக முடிவுண்டு அவர்கள் நம்பிக்கை வீண் போகாது.

தேவன் நம்பிக்கைக்குரியவராய் இருக்கிறபடியால், கட்டாயம் அதை நிறைவேற்றுவார்.





தேவன் நம்பிக்கைக்குரியவர் என்கிற அவருடைய சுபாவமானது, இஸ்ராயேல் ஜனங்களுக்கு தேவன் எப்படி உண்மையுள்ளவராகவும், நம்பிக்கைக்குரியவராகவும் இருந்தாரோ, அதேபோல நமக்கும் அவர் கொடுத்த வாக்குத்தத்தங்களை நிறைவேற்றுவார் என்ற உறுதியான நம்பிக்கையை நமக்குக் கொடுக்கிறது. அத்தோடு தேவன் நம்பகமானவர் என்று நமக்கு நிரூபிக்கிறது.



நாம் பாவிகளாயிருந்தாலும், பாவிகளுக்கு தகுதியான தண்டனையை தேவன் உடனடியாக கொடுக்காமல், தற்காலிகமாக அதை தள்ளிவைத்து தமது இரக்கத்தை நமக்குக் காட்டுகிறார். ஆனால் தேவனுடைய இரக்கமும், மன்னிப்பும் முடிவடையும் ஒரு நாள் வரும்.

தேவனுடைய இரக்கங்களை மூன்று பகுதிகளாக பிரிக்கமுடியும்.

01.தேவனுடைய இரக்கமானது விசுவாசிகள், அவிசுவாசிகள் என அனைத்து மனிதர்களுக்கும் மட்டுமல்லாமல், அனைத்து உயிரினங்களுக்கும் பொதுவானது.



02.மனுஷனுடைய தவறுகளையும், பாவங்களையும் பாராமல் தேவன் கொடுக்கும் சிறப்பான எல்லையற்ற இரக்கம்.



03.அதிகாரப் பூர்வமான இரக்கம்.



அவர் சூழ்நிலைகளைப் பார்த்து மனதுருகுவார்.

உதாரணம் : மூன்று நாட்கள் சாப்பாடில்லாமல் தங்கியிருந்தவர்களுக்கு, அவர்கள் மேல் மனதுருகி, ஐந்து அப்பத்தையும் இரண்டு மீன்களையும் பெருகப்பண்ணினார்.

பாவத்தால் தங்களுடைய வாழ்க்கையை சீரழித்தவர்கள் மனம் திரும்பும்போது, அவர்களை சேர்த்துக்கொள்ள மிகுந்த இரக்கமுள்ளவராயிருக்கிறார். உதாரணமாக : லூக்கா 15: 11 – 24ல் மனந்திரும்பி வருகிற மகனைக் தகப்பன் மனதுருகி அவனை சேர்த்துக்கொள்ளும் விதத்தை நாம் வாசிக்க முடியும். (ஏசாயா 55: 7)

தேவன் தாம் விரும்பியவர்களுக்கு இரக்கம் காட்ட சுதந்திரமாக உள்ளார்.




தேவனோடு நெருக்கமான உறவு கொண்டு, அவருடைய இரக்கத்தை அறிந்த தாவீது இவ்வாறு கூறியிருக்கிறான்.



பாவத்தினாலே செத்தவர்களாய் இருந்த நாம் ஒவ்வொருக்கும் தேவன் காட்டிய மிகுந்த இரக்கத்தை நாம் இதிலே காணலாம்.


(மத்தேயு 9: 27, 2 கொரிந்தியர் 1: 3 – 4, 1 பேதுரு 1: 3 – 4)

நாம் பாவிகளாய்; இருக்கும் போதே, தேவன் தமது இரக்கத்தைக் கொடுக்கிறார் என்றால், நாம் மனம் திரும்பி தேவனுடைய பிள்ளைகளானால் அவருடைய இரக்கத்தை நேரடியாகவே பெற்றுக் கொள்ளமுடியும் என்பதை நிச்சயமாக அறிந்து கொள்ள வேண்டும்.



தயவு என்பது பாவிகளுக்கு வரவேண்டிய தண்டனை, கோபாக்கினையை கொடுக்காமல் அவர்களுக்கு விடுதலையையும், நித்திய வாழ்க்கையையும் கொடுப்பதாகும்.

தேவனுடைய நன்மைக்கு முற்றிலும் தகுதியற்றவர்களுக்கும், அதை பெற முடியாதவர்களுக்கும் தேவன் தயவைக் காட்ட விரும்புகிறார்.

தேவன் பாவிகளை விடுவிக்கக்கூடிய ஒரே வழி தயவு. உண்மையான விடுதலை தேவனுடைய தயவின் மூலம் வருவதால், மனுஷர்களின் செயல்களுக்கு எந்த இடமுமில்லை.

விசுவாசிகள் அனைவரும் தேவனுடைய தயவினாலே (Grace)
விடுதலையாக்கப்பட்டிருக்கிறார்கள்.

தேவனுடைய தயவை புரிந்து கொள்வதிலும், பயன்படுத்துவதிலும் நாம் வளர வேண்டும்.

கடினமான, நெருக்கமான சூழ்நிலைகளில் தேவனுடைய பிள்ளைகளை தாங்கிப் பிடிப்பது இந்த தயவு தான்.

எல்லா விடுதலைகளும் தேவனுடைய சர்வவல்லமையுள்ள தயவினாலே நிறைவேற்றப்படுகிறது.










(2 பேதுரு 3: 18, 2 கொரிந்தியர் 12: 9)

எனவே விடுதலை என்பது தயவின் அடிப்படையாக இருப்பதனால், நாம் பெருமை பாராட்டவோ அல்லது உரிமை கொண்டாடவோ எந்த இடமும் இல்லை. மேலும் தேவன் நமக்குள் செய்யும் எந்த காரியத்திற்கும் நாம் சொந்தக்காரராக முடியாது. தேவன் செய்த தயவோடு எமது சொந்த செயல்களை சேர்க்க முயற்சிப்பது தவறான காரியமாகும்.



தேவன் எந்த நேரமும் சரியான, உண்மையான மற்றும் நியாயமான முறையில் செயற்படுகிறவர்.

அவர் பக்கசார்பற்ற நடுநிலையானவராகவே இருக்கிறார்.

தேவன் நீதியும் நேர்மையும் உள்ளவர் என்பதால், மக்களை தூய்மையான அளவுகொலின்படி நடத்துவது அவருக்கு அவசியமாயிருக்கிறது.

நம்முடைய பாவங்களுக்கு ஏற்ப அவர் தமது நீதியை மாற்றி ஒத்துப்போகிறவரல்ல.

ஆதாமுக்கு தேவன் இரண்டு வேலைகளைக் கொடுத்தார்.

01.ஏதேன் தோட்டத்தை பண்படுத்துவது

02.தோட்டத்தை பாதுகாப்பது

ஆதாம் இதை செய்யாதபடியினால் பாம்பு உள்ளே வந்து ஏவாளை வஞ்சித்தது. ஆதாமும் தெரிந்துகொண்டே பாவம் செய்தான்.

இருவரும் ஏதேன் தோட்டத்தை விட்டு வெளியே துரத்தப்பட்டார்கள்.

நீயும் 'தேவனுக்கு எல்லாம் தெரியும் தானே' என்று சொல்லிக்கொண்டு, உன் பக்கம் செய்யவேண்டியதை செய்யாமல் விட்டால், நீயும் பிசாசினாலே நிச்சயமாய் தாக்கப்படுவாய்.

அதன்பிறகு தேவனை குற்றம் சாட்ட முடியாது. ஏன்? அவர் நீதியுள்ளவர்.

அவருடைய படைப்புக்களான நாம் அறிவியல் ரீதியாக, தேவனுடைய நீதியைக்குறித்து கேள்வி கேட்க எந்தவிதமான உரிமையும் இல்லை.

அவ்வாறு செய்வது தேவன் தமது வழிகளில் சரியானவரா? அல்லது நீதியானவரா? என்று நாம் அவரை கேள்விகேட்பதாக இருக்கும்.

பாடல் 11: 7
யாவே நீதியுள்ளவர், நீதியின்மேல் பிரியப்படுவார்; அவருடைய முகம் செம்மையானவனை நோக்கியிருக்கிறது.

















தேவன் நம்மிடம் நேர்மையாகவும் நியாயமாகவும் நடந்து கொள்கிறவர் என்பதை நாம் உணர்ந்து கொண்டோமானால், நமக்கு ஏற்படும் ஒவ்வொரு சூழ்நிலையையும் இலகுவாக மேற்கொள்ள முடியும்.

அதேபோல இந்த உலக வாழ்க்கையில் பலர் தவறுகளை, அநியாயங்களை செய்துவிட்டு தப்பித்துக் கொண்டிருப்பதாக அவர்கள் நினைக்கலாம். ஆனால் தேவனுடைய நீதியான கடும் கோபம் வெளிப்படும்போது, அனைவரும் கணக்கு கேட்கப்பட்டு, அவர்களுக்குரிய தண்டனையைப் பெறுவார்கள் என்பது நிச்சயம்.



தேவன் தமது படைப்புக்கள் அனைத்திற்கும் நல்லவராகவே இருக்கிறார். அனைவருக்கும் இரக்கத்தையும் தயவையும் காண்பிக்கிறார்.

மனிதர்கள் தம்மை நம்பினாலும் நம்பாமல் விட்டாலும் பாகுபாடின்றி பொதுவான அன்பையும், ஆசீர்வாதத்தையும் கொடுக்கிறார். அத்தோடு மழை, சூரிய ஒளி, பயிர்வகை மற்றும் எமது அன்றாட தேவைகளை வழங்குவதன் மூலம் தம்முடைய பொதுவான நன்மையை வெளிப்படுத்தியிருக்கிறார்.

தேவன் நல்லவர் ஏனென்றால் அவர் எப்பொழுதும் எல்லாவற்றிற்கும் மேலாக நல்லவராக இருக்கமுடியும் என்பதாகும். அவர் எதற்கும் குறைவாக இருக்க முடியாது.

தேவனிடம் தீமையோ, பாவமோ இல்லாதபடியினால் அவருடைய கோபம், தீர்ப்பு, தண்டனை கூட அவரது பார்வையில் நன்மையானதாகவே இருக்கிறது.

















நம்முடைய பாவங்களையும், கீழ்ப்படியாமையையும், பெலவீனங்களையும் நாம் உணர்ந்து கொள்ளும்போது, நாம் தகுதியற்ற நிலையில் இருக்கம் போதும் தேவன் காட்டிய அன்பையும், ஆசீர்வாதங்களையும் யோசித்தப்பார்த்து நன்றியுள்ளவர்களாய் இருக்க வேண்டியது மிகவும் முக்கியமான காரியமாகும்.

எனவே தேவனுடைய பிள்ளைகளுக்கு வருகிற ஒவ்வொரு சூழ்நிலைகளும் இறுதியில் நன்மைக்கேதுவாக இருக்கும் என்பது உறுதியானது.



தேவனைப் பற்றியும் அவர் வெளிப்படுத்திய அவருடைய சுபாவங்களைப் பற்றியும் நாம் அறிந்து கொண்டது மிகவும் சிறிதளவுதான். ஆனாலும் தேவனுடைய ராஜ்யம் பூமியிலே, யெருஷலேமில் நிலைநாட்டப்பட்டதன் பின்பு தேவனுடைய எல்லையற்ற மேன்மையையும், அவருடைய சுபாவங்களைப் பற்றியும் நாம் ஒவ்வொருநாளும் மிகத் தெளிவாகவும் சந்தோஷத்துடனும் கற்றுக்கொள்ள முடியும். அவரே அதை நமக்குக் கற்றுக் கொடுப்பார். இதுவே எங்களது உறுதியான அசைக்கமுடியாத நம்பிக்கையாகும்.